Get Adobe Flash player

 

Desde 1 oktober 2013 a amplia e servicio cu helpdesk y fastdesk DIMAS. E ampliacion aki ta ensera cu DIMAS lo sigui reparti numbernan pa e servicionan aki continuamente y sin limiti sea cu ta parti di mainta of ta parti di atardi.

 

Pa medio di e comunicado di prensa aki ta bolbe recorda di e cambio aki. Pues en corto esaki ta ensara cu tur cliente por ta sigur cu nan lo ser atendi segun orden di yegada si nan acudi na DIMAS

entrante di 7:30 am pa 11:00 am y di 1:00 pm pa 3:30 pm pa ser atendi sea na Helpdesk DIMAS of Fastdesk DIMAS, depende di e servicio cu e cliente ta desea di tuma. Si ta pa servicio di helpdesk DIMAS lo bo haya un ticket cora y pa servicio fastdesk DIMAS un ticket blou.

 

Ticket cora sevicio di Helpdesk DIMAS

 

Helpdesk ta asisti tur keho/reclamo, entrega di permiso temporario / indifini, comprobante di admision temporario na Aruba y entrega di carta restitui di postkantoor.

 

Ticket Blou servicio di Fastdesk DIMAS

 

Fastdesk lo asisti tur peticionan di carta di re-entrada, prolongacion di estadia turistico, restitucion y duplicado.Tene cuenta pa cumpli cu e requistonan cu ta riba lista conforme e respectivo peticion.

 

Meta di reparti numbernan continuo (sin limite) ta pa brinda tur e clientenan un servicio mas eficiente y cordial y di es manera aki evita cu tin aglomeracion innecesario di clientenan cu ta bin for di trempan pa garantisa cu nan ta ser yuda. Tur cliente por ta trankil cu nan lo ser atendi. Asina DIMAS ta pone clientenan central y ta garantisanan cu nan lo haya servicio cu nan tin derecho riba dje.

 

Aruba, 14 januari 2014

zoeken

Translate