Header image

DIMAS ta implementa medidanan di prevencion pa combati contagio di Corona Virus

Relaciona cu e situacion actual di Corona Virus (Covid-19), nos ta informa publico en general lo siguiente.

Entrante 16 di maart te cu 31 di maart 2020 oficina di DIMAS lo ta cera pa publico.

DIMAS lo continua cu su servicio na su clientenan di e siguiente formanan:

  • Website: Clientenan di DIMAS por sigui comunica via di e E- Helpdesk service riba su website www.dimasaruba.aw
  • Facebook: Clientenan di DIMAS por sigui haci uzo di e opcion di Live Chat y Messenger via di su Facebook DIMAS AUA.
  • ¬†Online services:
    • Clientenan cu tin un cita pa entrega un peticion of tin un cita pa completa un registracion na DIMAS den e periodo indica aki riba, lo ricibi un email cu instruccion specifico con pa procede.
    • Clientenan cu tin un deber pa raporta personalmente/ periodicamente den e periodo indica aki riba na DIMAS, lo ser instrui via di e plataforma(nan) digital di DIMAS, con pa procede.

DIMAS ta pidi su clientenan comprension pa e cambionan necesario cu a keda implementa cual ta den linea cu e plan di prevencion y mitigacion di riesgonan di Gobierno di Aruba relaciona cu e Corona Virus.

DIMAS lo sigui mantene su clientenan informa, si tin cualkier cambio of otro desaroyo, via di su plataforma digital y tambe email adres personal.

Si tin pregunta por bel via di telefon 5221500 of email nos na info@dimasaruba.aw.