Header image

DIMAS ta informa riba peticion online

Durante di e temporada aki DIMAS mesun cos cu otro organisacionnan na Aruba a tuma precaucion pa cu seguridad di su personal como tambe di su clientenan contra di e virus Covid 19.

Un di e medidanan tuma ta cu esnan cu tin un cita durante di e periodo cu e oficinanan di DIMAS ta cera pa publico, lo ricibi un email cu instruccion pa asina nan por entrega nan peticion di permiso online.

Nos a ricibi feedback di algun cliente cu tin dificultad pa completa e peticion online. Pa nos yuda e cliente completa su peticion online nos ta duna nos clientenan e siguiente tips:

  1. Mester yena e afspraaknummer. Solamente personanan cu tin un afspraak traha caba durante e periodo cu DIMAS ta cera pa publico pa motibo di prevencion lo por entrega nan peticion online.
  2. E cliente ta yena tur e datonan (fields) cu ta wordo pidi mesun cos cu e formulario tradicional.
  3. E cliente mester upload tur documento necesario via di e e-form. Pa cu esaki nos ta recomenda nos clientenan pa scan tur documentonan (segun e checklist di e peticion di permiso) den un solo PDF file y upload e file aki via di e e-form.

Nos ta spera cu tur nos clientenan cu tin un cita cu DIMAS pa entrega nan peticion di permiso por tuma bon cuenta di e aviso aki pa asina e proceso di hasi peticion por cana sin dificultad.

Den caso cu clientenan ta encontra problema pa hasi e peticion online lo por tuma contacto cu oficina di DIMAS via di e emailadres: info@dimasaruba.aw.