DIMAS ta conseha su clientenan pa entrega peticion di forma digital na momento cu tin tur documentonan rekeri pa e tipo di peticion desea. E peticionnan por wordo entrega digital via di e link riba website di DIMAS durante di orario di oficina.
Tips na momento di entrega peticion:
Entrega peticion di renovacion prome cu bo permiso actual vence.
Zorg pa e pakete di documento digital (scan) ta completo.
Clientenan y tramitadornan cu ta entrega peticionnan incompleto ta crea inconveniencia innecesario pa nan mes resultando den un retraso y/of nengacion di permiso pa e clientenan. Den caso cu no ricibi e documentonan cu falta den algun dia, e peticion lo wordo poni on hold y por hasta wordo nenga.
DIMAS ta agradece clientenan pa tene cuenta cu e informacion ariba menciona pa asina evita cualkier inconveniencia cu por surgi.
