Header image

Regreso Boluntario a sigui repatria pa Peru, Ecuador y Guyana

Den e fin di siman cu a pasa e programa Regreso Boluntario a brinda asistencia di repatriacion asisti na personanan cu tabatin e interes di regresa Peru, Ecuador y Guayana di forma boluntario.

Dia 2 di juli tabatin un buelo cu a sali cu 18 pasahero pa Guyana.

Dia 4 di juli a sali un buelo cu 17 pasahero pa Ecuador y 11 pasahero pa Peru.

Interesadonan por sigui registra via di e formulario online, asina cu DIMAS tin informacion concreto lo sigui comunica cu e personanan cu a registra via di nan emailadres personal.

Pa mas informacion of pa inskribi pa e programa di repatriacion asisti di Regreso Boluntario pa tur destinacion por tuma contacto cu telefon 281-1010 of bishita e website di DIMAS www.dimasaruba.aw y klik riba e tab di Vrijwillige Terugkeer / Regreso Voluntario / Voluntary Return.